:: رابطة الاقصر | بوابات الاقصر | الاقصر الآن ::
 
 
 

28/1/2010

طريق الكباش والمعدات الثقيله
 
أستوقفنى هذا المنظر أثناء مرورى بجوار طريق الكباش والذى يتم الكشف عنه حاليا بالأقصر لكن الغريب فى أننا من زمان نعرف أن التنقيب عن الأثار والكشف عنها يتم بمعدات دقيقه وبواسطه خبراء وفنيين فى هذا المجال ولكن على العكس من ذلك يتم الكشف عن طريق الكباش بالأقصر بواسطة المعدات الثقيله (اللوادر والكراكات . بصراحة أنا متلخبط ياترى أنا إللى مش فاهم إيه اللى بيحصل ولا اللى بيحصل ده هو الغلط وفكرت بينى وبين نفسى طيب من الممكن اللوادر والكراكات أثناء الحفر تكسر كبش من الكباش أو تتصدع الكباش أو يتم جرف قطعه أثريه فى التراب وما تظهرش لينا وماتقوليش إحنا نتشتغل بخرايط وعارفين أحنا بنعمل أيه لأن الخرايط دى مهما كانت مش دقيقه 100% ولا فى أجهزة إستشعار بتكشف أى حاجه فى التراب .وقلت لنفسى إيه السبب فى ده وبرضه جاوبت لنفسى آه أكيد علشان نخلص المشروع بسرعه ونخلص طيب والأثر اهم حاجه نخلص المشروع بأقل خسائر ممكنه . ويا ترى فى خبراء أجانب فى مشروع الكباش بصراحه أنا مشفتش غيراللوادر والكراكات والعمال وموظفى المحافظه . وعاوزيين رأيى ده لو كان ليا رأى المفروض يتم الكشف عن طريق الكباش بواسطة خبراء فى هذه المجال وبمعدات دقيقه مش ثقيله ويتم الكشف بطريقه غير متسارعه للكشف عن القطع الأثريه التى قد تظهر فى هذا الطريق . على فكره الحوار ده كله دار بينى وبين نفسى

التعلقيات

2010/07/24 التاريخ: عبدالله كامل االاسم :
التعليق :    جيد من ان الواحد يكون له تعليق على ما يشاهده على ارض الاقصر احب ان احيط علم سيادتكم علما بان العمل فى تلك المواقع التى لم يشر الاستاذ الى احداثياتها على طول 2700 م طول طريق الكباش وخاص ان المبانى الحديثة المبنية من الخرسانة تم انشأئها على طريق الكباش الناتج من تعديات منذ عهد قريب اما خوفكم على الاثر فلا تقلقوا فلن يحدث اى شيء يمس الاثر بضرر ذلك لانه قبل وصول بمستوى 4متر من الاثر يكون بداية العمل للأيدى العاملة فلو كان العمل كله يتم بالمعدات لم تكون الحاجة الى عمال بالمره ويمكنكم الان تفقد طريق الكباش وسوف تجدوا ما يسركم وخصوصا وفرة المرممين المهرة معنا ولسيادتكم جزيل الشكر

يجب تسجيل الدخول أولا حتي تتمكن من التعليق

تسجيل دخول || للتسجيل اضغط هنا

العودة الى البوابة